Viana do Bolo pide que se avalíe a declaración de zona catastrófica polos danos das treboadas
Varias aldeas quedaron incomunicadas durante horas e os danos materiais son incalculables
O Concello de Viana do Bolo pide que se avalíe a declaración de zona catastrófica nos núcleos de poboación máis afectados polas treboadas da pasada tarde.
Os danos materiais son incalculables: as chuvias torrenciais arrasaron edificacións, estradas e deixaron aldeas incomunicadas durante horas.
A aldea de Bouza é a zona cero da catástrofe.
24 horas despois, os veciños non dan creto á destrución que causou a treboada, que durou pouco máis de quince minutos.
Din que chovía de maneira torrencial.
A forza da auga, que arrastrou pedras e árbores, levou por diante media ducia de edificacións: palleiras, adegas, o forno comunal... e causou danos importantes en vivendas.
Tamén viviron momentos de pánico os 15 veciños da aldea de Pradocabalos.
O río Camba desbordouse e levou por diante todo ao seu paso.
A treboada causou estragos na rede viaria do concello de Viana.
Varias aldeas quedaron incomunicadas durante horas.
Medios do Concello e da Deputación traballar nos labores de limpeza canda os veciños.
A destrución é tal que levará moito tempo volver á normalidade. Agora toca facer balance dos danos.
