Aviso laranxa por treboadas: Galicia acumula case 5.000 raios nas últimas horas
Intensas precipitacións nas zonas afectadas: Riós supera xa os 26 litros por metro cadrado
As zonas máis afectadas son a montaña de Lugo e de Ourense
A acumulación de auga na estrada obrigou a cortar no Barco o acceso á N120 por Veigamuiños
Galicia está este mércores en aviso laranxa por treboadas e choiva intensa nas montañas de Lugo e Ourense.
Nas últimas 24 horas rexistráronse na nosa comunidade case 5.000 raios.
Rexistráronse intensas precipitacións nas zonas afectadas: Riós supera xa os 26 litros por metro cadrado. Portomarín chegou xa a 14,6 e Quiroga e Castro Caldelas os 12,7 litros. Monforte é outra das zonas máis afectadas, cun acumulado ás sete da tarde de 12 litros por metro cadrado. Agárdase que nalgunhas zonas poda chegarse aos 30 litros.
A Comisión Escolar de Alertas decidiu suspender as actividades escolares no exterior desde a unha da tarde nos concellos afectados.
Pedrazo en Monforte
Pola súa banda, a Secretaría Xeral para o Deporte acordou suspender a actividade deportiva federada e o programa Xogade nas zonas afectadas, coa excepción dos deportes náuticos e acuáticos federados.
Concellos afectados en Lugo
Na montaña de Lugo, a medida afecta Baleira, Baralla, Becerreá, Cervantes, Folgoso do Courel, A Fonsagrada, O Incio, Navia de Suarna, Negueira de Muñiz, As Nogais, Pedrafita do Cebreiro, A Ribeira de Piquín, Samos e Triacastela.
No sur da provincia, os concellos afectados son Bóveda, Carballedo, Chantada, Monforte de Lemos, Pantón, A Pobra do Brollón, Quiroga, Ribas de Sil, O Saviñao, Sober e Taboada.
Dezanove concellos en alerta na montaña de Ourense
Na montaña de Ourense, a suspensión afecta O Bolo, Carballeda de Valdeorras, O Castro de Caldelas, Chandrexa de Queixa, Esgos, A Gudiña, Maceda, Manzaneda, A Mezquita, Montederramo, Parada de Sil, A Pobra de Trives, O Riós, San Xoán de Río, A Teixeira, A Veiga, Viana do Bolo, Vilariño de Conso e Xunqueira de Espadanedo.
🧐Chuvia acumulada entre 17:00 e 18:00(esquerda)
— MeteoGalicia (@MeteoGalicia) June 17, 2026
⚠️Chuvia moi forte e nalgunhas zonas torrencial entre o centro de Lugo e o sueste de Ourense(dereita)
📢Precaución coa saraiba🚗⛈️
Seguimento do radar📡https://t.co/4Ufxw0WcAj pic.twitter.com/PSbCblSkdE
