Morre un home de 48 anos das Neves nun accidente en Salvaterra de Miño
Morre un home de 48 anos das Neves nun accidente en Salvaterra de Miño
O seu fillo, de 22 anos, resultou ferido de gravidade
As primeiras hipóteses apuntan a que un coche invadiu o carril contrario e acabou chocando frontalmente contra un camión
Un home de 48 anos faleceu e seu fillo de 22 resultou ferido grave nun accidente ocorrido esta tarde en Salvaterra de Miño.
O sinistro produciuse entre un camión de repartición de pequenas dimensións e un turismo ao redor das catro e media da tarde no quilómetro 14 da PO-510.
O 112 mobilizou a Garda Civil de Tráfico, os Bombeiros do Baixo Miño, a Policía Local e o 061, que enviou á súa vez un helicóptero medicalizado.
Pero os sanitarios enviados á zona non puideron facer nada pola vida dunha das persoas implicadas no accidente.
As primeiras hipóteses apuntan a que o coche invadiu o carril contrario e acabou chocando frontalmente contra o camión.
