Un indixente provoca unha nova liorta na praza do Toural, en Santiago
Trátase do mesmo home que en xaneiro ameazou os viandantes cun coitelo
Veciños e comerciantes piden máis vixilancia policial e medidas para poñer fin a estas agresións, e temen que nunha delas poida haber consecuencias máis graves
A conflitividade que xeran algúns indixentes na praza do Toural, en Santiago, volve á actualidade despois dunha agresión entre eles a botellazos que se rexistrou a plena luz do día esta fin de semana. O presunto agresor xa estaba este luns por aí outra vez como se nada.
Os veciños quéixanse desta situación, e reclaman unha solución estrutural e non ter que estar enfrontándose a situacións semellantes a cada paso.
O último dos altercados produciuse a pasada fin de semana, o sabado á tarde. Un home empredíaaa a botellazos contra outra persoa. É o mesmo individuo que hai unhas semanas provocaba un altercado semellante. Neste caso ameazou cun arma branca os transeúntes nesta praza. En ambos casos foi gravado, en ambos casos foi detido e en ambos casos a resolución foi a mesma, quedando en liberdade ás poucas horas.
De aí que sexa fácil comprender a impotencia dos veciños e os comerciantes da zona.
"Isto levámolo vivindo desde hai 7 ou 8 anos", di José María Iglesias, comerciante.
Din non ter nada en contra destas persoas, un pequeno grupo de politoxicómanos. Algúns deles viven na rúa e teñen problemas de sáude mental.
Piden máis vixilancia policial e medidas para poñer fin a estas agresións, e temen que nunha delas poida haber consecuencias máis graves.
