Un camión accidentado provoca o corte da A-52 á altura da Gudiña en dirección Vigo

A saída de vía dun camión á altura da Gudiña provocou este martes o corte da Autovía das Rías Baixas, á altura do quilómetro 128 en dirección Vigo.

Segundo informa o servizo de emerxencias 112 Galicia, o condutor do camión quedou ferido e tivo que ser atendido por un equipo de Urxencias Sanitarias de Galicia-061.

No lugar do sinistro traballan nestes momentos tanto unidades da Garda Civil como de mantemento da infraestrutura para tratar de recuperar a circulación, condicionada tamén pola neve caída nas últimas horas.

O tráfico está sendo desviado desde o quilómetro 124 da A-52 pola vella N-525 que pasa ao carón da autovía.