Os drons da Axega incorpóranse á busca dun octoxenario en Carnota
O home saíra a dar un paseo pola zona de Caldebarcos, en San Mamede (Carnota), e non regresou
Juan Antonio Gil Canós, desaparecido en San Mamede, Carnota.
A Unidade Operativo de Drons do Grupo de Apoio Loxístico e Intervención (GALI) da Axega incorporáronse ao operativo de busca dun octoxenario que falta desde a mañá deste domingo.
Foi un familiar quen chamou ao 112 Galicia sobre as 14 horas para explicar que saíra a dar un paseo pola zona de Caldebarcos, en San Mamede, Carnota, e que non regresara.
De inmediato, informáronse os axentes da Garda Civil, que coordinan o operativo, o GES de Muros, á Policía Local e os voluntarios de Protección Civil de Carnota.
O home ten unha complexión delgada, é alto, de pelo canoso, vestía unha camisa azul de manga longa, pantalón beige, gorro e chanclas
Ante calquera información ou avistamento, por favor, contacten urxentemente cos servizos de emerxencia ou as autoridades locais.
