Buscan un veciño de Campologo, en Negreira, desaparecido desde o xoves
José Manuel Baña Sieira, de 69 anos, foi visto por última vez sobre as 12.00 no seu domicilio, antes de ir a Nigrán a comer co seu irmán
O Concello de Negreira pediu a colaboración dos cidadáns
Foto de arquivo
Garda Civil, Policía Local de Negreira e Protección Civil iniciaron un dispositivo de procura para tratar de localizar a un veciño de Campologo, de 69 anos, que leva desaparecido desde o xoves.
José Manuel Baña Sieira foi visto por última vez sobre as 12.00 horas do xoves no seu domicilio. O home desprazábase no seu vehículo Citroën Xsara gris, matrícula C-1593-CF, en dirección Negreira para comer co seu irmán.
O home, que mide 1,80 metros, ten o pelo canoso e usa lentes, portaba un teléfono móbil, pero non contesta as chamadas.
O Concello de Negreira pediu a colaboración dos cidadáns e ante calquera información piden contactar coa Garda Civil (062) e con Protección Civil de Negreira (981 88 50 01 / 696 85 62 59).
