Un condutor esnafra o seu coche contra un supermercado en Vigo e fere unha empregada

Unha traballadora dun supermercado de Vigo resultou ferida este venres despois de que un condutor batese co seu coche contra o muro do establecemento, informaron os servizos de emerxencias.

A colisión produciuse contra as 15:30 horas no supermercado Eroski da praza de Fernando o Católico, xunto á rúa Urzaiz, e como consecuencia do impacto o vehículo abriu unha fenda na parede e os cascallos desprendéronse no interior do establecemento.

Os obxectos que se desprenderon no choque alcanzaron unha das traballadoras, que resultou ferida, aínda que non chegou a quedar atrapada e foi trasladada posteriormente a un centro hospitalario.