Morre un home de 52 anos despois de ser atropelado en Cambados
O accidente produciuse ás 21:00 horas e foi notificado pola persoa que viaxaba no vehículo implicado
Un home faleceu este martes despois de ser atropelado nun camiño situado na parroquia de Corvillón, en Cambados.
O accidente produciuse ás 21:00 horas e foi notificado pola persoa que viaxaba no vehículo implicado. Segundo indicou durante a chamada, o peón sufriu un golpe na cabeza e o seu estado era grave.
O Centro Integrado de Atención e Emerxencias solicitou a colaboración de Urxencias Sanitarias de Galicia-061, a Garda Civil de Tráfico e a Policía Local mais os membros do Servizo Municipal e a Agrupación de Voluntarios de Protección Civil de Cambados.
A pesar dos intentos por salvárenlle a vida, os servizos de emerxencias confirmaron o falecemento do home no lugar do accidente, según o confirmou o alcalde da vila, Samuel Lago, que acudiu ao lugar do accidente e foi testemuña dos intentos dos servizos de emerxencia por reanimar ó falecido
