Dúas persoas resultan feridas tras acabar o seu coche no tellado dun alpendre en Arteixo
O coche fóiselles da vía e atravesou unha zona de leiras antes de percorrer varios metros polo aire e acabar sobre o tellado do alpendre
Imaxe cedida
Dúas personas quedaron feridas esta medianoite tras acabar co seu coche no tellado dun alpendre en Arteixo.
Un particular alertou o 112 Galicia de que un coche acabara sobre o alpendre dunha vivenda situada á altura do quilómetro 4 da DP-0513, en Arteixo.
Os dous ocupantes do vehículo xa estaban fóra, aínda que precisaban asistencia sanitaria.
Ata o lugar desprazáronse efectivos de Urxencias Sanitarias de Galicia-061, da Garda Civil de Tráfico, dos Bombeiros de Carballo, do Servizo Municipal de Protección Civil de Arteixo e voluntarios de Protección Civil da Laracha, así como os servizos de mantemento da estrada.
Os servizos de emerxencias estabilizaron o vehículo e preparárono para a súa retirada. Segundo explicaron, o coche foise da vía e atravesou unha zona de leiras antes de percorrer varios metros polo aire e acabar sobre o tellado do alpendre.
Imaxe cedida
