Un condutor excarcerado tras bater contra un bus en plena Gran Vía de Vigo
Tras o choque o turismo montouse na beirarrúa e impactou contra un farol
Dúas persoas tiveron que ser trasladadas ao hospital
EFE/Sxenick
Os Bombeiros de Vigo excarceraron un ocupante dun turismo que quedou atrapado no interior do vehículo tras sufrir un accidente cun autobús na Gran Vía.
Urxencias Sanitarias de Galicia-061 confirmou que trasladou dúas persoas ao hospital. Varios particulares alertaron o 112 Galicia dos feitos pasadas as 22:15 horas. Segundo indicaron, o turismo chocara contra un autobús e, posteriormente, contra un farol.
No momento da chamada, unha persoa permanecía atrapada no interior do coche. Ata o lugar desprazáronse os servizos de Urxencias Sanitarias de Galicia-061, os Bombeiros de Vigo e os axentes da Policía Local.
Os bombeiros lograron liberar o ocupante do turismo, que foi evacuado ao hospital, do mesmo xeito que a outra persoa ferida no accidente.
