Esténdese o costume de xantar ou cear fóra da casa o seis de xaneiro 

O Día de Reis pon o colofón a unhas datas onde non faltan as xuntanzas familiares con ceas e xantares. Por iso, cada vez máis persoas deciden celebrar este seis de xaneiro comendo fóra da casa. 

Os restaurantes xa levan anos notando esta tendencia e por iso para a hostalería este sábado foi un día de moito traballo.

Este mediodía pasaron polo Bodegón Orensano arredor de 130 comensais. Están completos e as súas cociñas traballan a pleno rendemento. Nas cociñas do restaurante Othilio de Vigo tampouco paran. Nin ao mediodía nin á noite.

Aínda hai reservas para realizar ceas de empresa este mes de xaneiro. Polo que a resaca do Nadal durará, para moitas persoas, máis do previsto.