Un Martini de caldo galego opta a mellor tapa de Galicia

Un Martini de caldo galego é a tapa coa que o cociñeiro Carlos Montes conseguiu representar a cidade da Coruña no concurso que o próximo 30 de xuño elixirá o mellor cociñeiro de tapas de Galicia.

Á súa orixinal proposta chamoulle Dry Caldini. Trátase dun caldo galego de toda vida reconvertido nun cóctel. Para iso filtra o caldo e fai unhas olivas coa masa resultante de triturar a carne, os grelos, as fabas e as patacas.