Falece un home tras ser rescatado da auga na praia de Sobrán en Vilaxoán
Un particular deu aviso aos servizos de emerxencia que xa non puideron facer nada por salvarlle a vida
Imaxe de arquivo da praia de Vilaxoán
Unha persoa faleceu tras ser rescatada da auga no concello de Vilagarcía. O suceso ocorreu na praia de Vilaxoán, na parroquia de Sobrán.
Foi un particular quen contactou co 112 Galicia ás 20:40 horas para alertar de que varias persoas acababan de sacar da auga a un home que presentaba síntomas de afogamento.
De inmediato, desde a sala de operacións do 112 Galicia informouse ao Servizo de Urxencias Sanitarias de Galicia-061, que mobilizou ata o lugar o helicóptero medicalizado con base en Santiago de Compostela. Así mesmo, tamén foron alertados a Policía Local e o Servizo Municipal de Emerxencias de Vilagarcía de Arousa.
Malia os esforzos realizados polos equipos de emerxencia, finalmente non foi posible salvar a vida da persoa.
🔴 #AXEGAInforma dunha persoa falecida tras ser rescatada da auga en Vilagarcía de Arousa.
— 112 Galicia (@112Galicia) July 25, 2026
📍 Praia de Vilaxoán, parroquia de Sobrán.
➡️ Malia os esforzos dos equipos de emerxencia, non foi posible salvarlle a vida.
🔗 https://t.co/2bRpzn7cc8 pic.twitter.com/YE9rxUjTjt
