Os lumes no centro da meseta obrigan a evacuar ou confinar 100.000 persoas
Os medios aéreos retoman os labores de extinción en Madrid, Ávila e Toledo, declaradas en emerxencia nacional
O gran foco dos incendios en España leva arrasadas máis de 45.000 hectáreas nun perímetro de 200 quilómetros
Os incendios de Madrid e de Ávila continúan o seu avance cara a Toledo nunha xornada que comeza cunhas previsións máis favorables das condicións meteorolóxicas.
Os medios aéreos retomaron os labores de extinción a primeira hora para tentar conter a extensión das lapas nas tres provincias, declaradas en emerxencia nacional.
O gran foco dos lumes en España segue a estar neste triángulo que abarca un perímetro superior aos 200 quilómetros e que obrigou a evacuar ou confinar preto de 100.000 persoas.
A superficie queimada ata o momento supera as 45.000 hectáreas de terreo, das cales 21.000 atópanse na provincia abulense, nun contorno de 112 quilómetros.
Sánchez no posto de mando avanzado de Navaluenga. EFE/Raúl Sanchidrián
Traballo nocturno
Durante a noite, 50 unidades traballaron en terra para consolidar o feito durante o día, malia algunhas incidencias provocadas polo vento, segundo informou Emerxencias de Madrid.
Coa baixadas das temperaturas e o incremento da humidade relativa, tratouse de conter e arrefriar as distintas frontes que compoñen estes incendios.
Ademais, efectuarónse novas liñas de control con maquinaria pesada na contorna de M-501. Para hoxe agárdanse refachos algo máis frouxos desde o mediodía, que marcarán a evolución do lume.
Persoas desaloxadas en Talavera de la Reina. EFE/Manu Reino
Axuda exterior
Portugal, Grecia e Italia sumáronse ás tarefas de extinción na zona cun dispositivo que integran 176 efectivos, 41 vehículos e 4 Canadairs.
A última hora do sábado, o ministro do Interior, Fernando Grande-Marlaska, aseguraba que non fora "un día positivo", cunhas condicións meteorolóxicas "absolutamente difíciles".
Este domingo, o presidente do Goberno, Pedro Sánchez, visita o posto de mando avanzado situado en Navaluenga (Ávila).
Pola súa banda, o rei Filipe VI achegarase ao polideportivo de Villamanta para estar coas persoas desprazadas da Serra Oeste de Madrid. A comunidade mantén 15 puntos de acollida polo incendio.
