O IPC aumenta un 6,8 % en Galicia, sete décimas por encima da media española

O índice de prezos de consumo baixou un 0,4 % en xaneiro en relación ao mes anterior e recortou a súa taxa interanual ata o 6,1 %, catro décimas por baixo da taxa de decembro, por causa do abaratamento da luz, dos alimentos e dos paquetes turísticos.

Son os datos publicados este martes polo Instituto Nacional de Estatística, que implanta a nova base 2021 neste indicador.

A taxa interanual do IPC rexistrada en xaneiro (6,1 %) é unha décima superior á avanzada a finais do mes pasado polo INE (6 %). No caso da taxa mensual (-0,4 %), o dato definitivo é unha décima menor ao que adiantou Estatística (-0,5 %).

Con este dato do mes de xaneiro, o IPC interanual encadea a súa décimo cuarta taxa positiva consecutiva e suma dous meses seguidos en taxas superiores ao 6 %, uns niveis que non se vían desde hai case tres décadas.

Segundo o INE, destaca a baixada dos prezos da electricidade, fronte ao incremento rexistrado no mesmo mes de 2021, a dos paquetes turísticos, e a dos alimentos.

Por contra, os prezos dos carburantes e lubricantes para vehículos aumentaron en xaneiro deste ano máis que no mesmo mes de 2021, mentres que os prezos do vestido e o calzado baixaron menos que en xaneiro do ano pasado. 

Galicia, segunda comunidade onde máis sobe o IPC

O índice de prezos de consumo aumentou un 6,8 % en Galicia en xaneiro en comparación co mesmo mes de 2021, segundo os datos publicados polo Instituto Nacional de Estatística.

Este incremento está por encima do 6,1 % da inflación que se rexistra en España en xaneiro, catro décimas por debaixo de la taxa de decembro.

A taxa interanual do IPC descende en xaneiro respecto a decembro en todas as comunidades autónomas, excepto en Galicia, onde incrementa una décima (era do 6,7 % en decembro).  Só superado polo 7,2 % de Castela-A Mancha. 

O que máis creceu en Galicia no último ano é a vivenda, seguido polo transporte, vestido e calzado. Só descende o prezo de comunicacións.