Investigan a importación de coches estragados e vendidos en Pontevedra como seminovos

Grande operativo policial nun taller de compravenda de coches de Pontevedra por unha suposta fraude na venda de vehículos de importación. 

A Policía Local e a Policía Nacional realizaron inspeccións dos coches e analizaron a documentación do establecemento.

Este mesmo taller xa fora investigado e rexistrado en novembro de 2022 por feitos parecidos e 20 implicados foran detidos en Portugal e Galicia.

Desta volta, investigan a importación de coches estragados e vendidos en Pontevedra como se fosen seminovos.

Os axentes interrogaron o dono do taller.