Inculpan un home en Alemaña pola desaparición de Madeleine McCann

Hai un imputado no caso da desaparición de Madeleine McCann 15 anos despois. É toda unha sorpresa, porque que hai un mes informaban desde as autoridades que a investigación quedaba pechada por parte da policía británica.

Agora as novidades chegan dende Alemaña, onde o principal sospeitoso cumpre condena por un delito sexual e tráfico de drogas. Hai probas de que Christian Brueckner estaba en Praia da Luz, no Algarve, aquela noite de hai 15 anos cando a nena desapareceu.

Foi imputado a petición da Fiscalía portuguesa que xunto a xermana investigaron os movementos deste home en profundidade e do que só revelaron un dato: están seguros de que Madeleine McCann está morta e que o corpo non saíu de Portugal.