Deteñen en Ourense a suposta responsable de queimar colectores do lixo

A Policía Nacional detivo en Ourense a presunta responsable de incendiar colectores do lixo no barrio da Ponte.

O suceso, que causou alarma entre os veciños da zona, repetiuse durante varias noites. Colectores que comezaban a arder, de madrugada, causando danos, mesmo en varios vehículos estacionados, nunha ventá e nas fachadas de catro establecementos comerciais.

A contía dos danos supera, segundo a Policía Nacional, os 29.000 euros. A detención produciuse xa o pasado 17 de marzo, pero a policía non a fixo pública ata hoxe.