Publicador de contidos

Publicador de contidos

Cúmprese un mes do accidente de autobús que caeu ao río Lérez no que morreron sete persoas

Cúmprese un mes do accidente de autobús que caeu ao río Lérez no que morreron sete persoas

O accidente produciuse na Noiteboa, unha noite de moita chuvia e vento

O conductor está libre e pendente de declarar como investigado

Seis mortos e dous sobreviventes tras caer un autobús ao río Lérez desde 30 metros, en Cerdedo-Cotobade

G24.gal 24/01/2023 09:47

Cúmprese un mes do accidente do autobús que caeu ao río Lérez en Cerdedo, Cotobade. Sete persoas morreron. O conductor do autobús non foi detido e a súa condición é de investigado. Está pendente de comparecer no Xulgado de Instrucción número 1 de Pontevedra. Esta demora débese a que os investigadores da Garda Civil aínda está instruíndo as dilixencias, que posteriormente serán trasladadas á maxistrada dese xulgado.

Este accidente ocorría na noite do 24 de decembro, Noiteboa. Nel faleceron sete persoas e houbo dous supervivintes, o conductor e unha pasaxeira. Os dous levaban o cinto de seguridade.

O accidente produciuse no quilómetro 67 da estrada que une Cerdedo e Cotobade. O autobús, da empresa Monbús, xusto enriba da ponte saíu da vía, levou por diante o quitamedos e o valado e caeu ao río por un desnivel de 29 metros.

Era unha noite peche de moita chuvia e vento. Unha noite de temporal na que non se vía nada. A chamada de socorro fíxoa a propia viaxeira que salvou a vida.

Segundo as investigacións, o accidente puido producirse ao perder o conductor o control do autobús tras facer aquaplaning: demasiada auga na vía e as rodas perden adherencia.

Esta estrada é unha das que presenta maior sinistralidade do Estado.  Un punto negro para o que reclaman melloras os alcaldes dos concellos polos que discorre. Asinaron un manifesto coas súas reivindicacións para evitar que se sigan producindo novos accidentes.

Publicidade
Publicidade
Publicidade
Publicidade