Buscan o home de 84 anos desaparecido o luns na ponte romana de Ourense

En Ourense buscan desde este martes un home que desapareceu o luns na zona da ponte romana.

O operativo reactivouse este mércores con efectivos de Protección Civil e axentes da Policía Nacional equipados con drons.

Están a rastrexar o treito do Miño que vai dende as Termas de Outariz ata Ribadavia na procura do home desaparecido.

Trátase de Sergio Gracía, de 84 anos, que falta da súa casa dende o luns á mañá.

As autoridades piden a quen teña noticia do seu paradoiro que se poña en contacto coa Policía Nacional.