O cadáver atopado o sábado en Nigrán é o dun veciño de Cangas de 43 anos
Fontes da investigación confirmaron que o corpo, encontrado por uns sendeiristas en Monteferro, non presentaba indicios de criminalidade
O cadáver momificado, atopado na fin de semana en Monteferro, Nigrán, pertence a un veciño do municipio de Cangas, Cristian L. M., de 43 anos, segundo confirmaron fontes da investigación.
O corpo foi atopado por uns sendeiristas o sábado pasado, e presentaba un avanzado estado de descomposición e momificación.
Así, tras dar a alerta, o 112 mobilizou a efectivos da Policía Local e do GES do Val Miñor para recuperar o cadáver, que estaba nunha zona de difícil acceso.
A autopsia permitiu a identificación, e confirmar que se trataba deste veciño de Cangas, coñecido como Panu, e que foi incinerado este martes nesa localidade do Morrazo, na intimidade familiar.
Fontes da investigación confirmaron tamén que o corpo non presentaba indicios de criminalidade, e non hai indicios da participación de terceiras persoas na morte.
