Investigan a morte dun home nun monte do concello de Nigrán

Uns sendeiristas localizaron na tarde este sábado o corpo sen vida dun home no alto de Monteferro, no concello de Nigrán. Estaba nunha zona de monte de difícil acceso, pertencente á parroquia de Panxón.

As forzas da orde traballan para esclarecer as circunstancias da morte que podería terse producido hai días ou semanas. Segundo o GES do Val Miñor, o cadáver topábase nun avanzado estado de descomposición.