Morre esmagado un traballador e outros dous feridos nun accidente nunha base de Renfe en Madrid
O falecido é un home de 30 anos ao que lle caeu enriba unha maquinaria metálica de mantemento de trens
A compañía ferroviaria anuncia unha investigación interna para determinar as causas do sinistro
Base de mantemento de Renfe. EFE (Arquivo)
Un traballador morreu e outros dous resultaron feridos como consecuencia dun accidente laboral producido este mércores na Base de Mantemento Integral de Renfe en Villaverde (Madrid).
Segundo informou a Policía Municipal de Madrid, a vítima mortal é un home de 30 anos, que resultou esmagado por unha maquinaria metálica de mantemento de trens.
Os outros dous feridos no accidente, ocorrido ás 14.19 horas, presentan diversas fracturas, pero a súa vida non corre perigo, segundo a Policía Municipal, que investiga as causas do accidente.
O accidente produciuse durante uns traballos de mantemento
Nun comunicado a empresa sinala que a vítima era traballador dunha empresa contratista e que o sinistro se produciu no transcurso duns traballos de mantemento por causas que están a ser investigadas.
Ademáis das actuacións que están a realizar as autoridades competentes, a compañía anuncia que levará a cabo unha investigación interna para esclarecer as circunstancias nas que se produciu o accidente e determinar as súas causas.
Renfe lamenta profundamente o ocorrido e traslada os seus máis sinceras condolencias aos seus familiares, compañeiros e achegados.
