Tres mulleres acoiteladas en París por un individuo detido por un policía fóra de servizo
A vida das vítimas, de 14, 24 e 36 anos, non corre perigo segundo o ministro francés do Interior
As autoridades piden prudencia á hora de falar das posibles motivacións do apuñalamento e avanzan que as primeiras explicacións do arrestado eran "incoherentes"
Rúa de París onde foron os acoitelamentos. REUTERS/Abdul Saboor.
Tres mulleres foron apuñaladas este luns en París por un individuo detido rapidamente despois por un policía fóra de servizo. O arrestado está sendo investigado para determinar o móbil da agresión.
O ministro francés do Interior, Laurent Núñez, explicou en conferencia de prensa que non corre perigo a vida de ningunha destas tres mulleres, de 19, 24 e 36 anos, aínda que dous delas están en situación de "urxencia absoluta".
Núñez, que comparecía ao termo do Consello de Ministros, precisou que o arresto do sospeitoso se produciu cara á 11.30 hora local (9:30 GMT) arredor da Porta de Clichy, no distrito XVII, ao nordés da cidade.
O agresor empregou 2 coitelos de cocina
O ataque produciuse con dous coitelos de cociña e as dúas mulleres que se atopan máis graves foron alcanzadas unha nas costas e a outra no abdome.
O ministro, que rendeu homenaxe ao axente que conseguiu reducir ao presunto autor dos feitos, dixo que o individuo deu unha identidade que se está verificando, xa que non levaba documentos enriba.
Tamén pediu prudencia á hora de avanzar as posibles motivacións da súa acción e avanzou que as súas primeiras explicacións eran "incoherentes".
Núñez insistiu en que serán as autoridades xudiciais as que determinarán o móbil do suceso.
