A marcha en Palma contra o turismo masivo remata con cargas policiais e ducias de feridos
Hai unha persoa detida por participar nos altercados e un fotógrafo ferido por recibir un golpe na cabeza por parte dun axente
Antes dos disturbios, 25.000 persoas participaron nunha protesta contra a masificación turística da illa e a falta de vivenda para os residentes
As cargas policiais producíronse na noite deste domingo, xa rematada a manifestación, e en respota ao lanzamento dalgún obxecto.
Segundo varias testemuñas, os axentes tamén cargaron contra aqueles que gravaban co móbil a súa actuación.
Hai un detido e unha ducia de feridos, entre eles un fotógrafo que recibíu un golpe na cabeza por parte dun policía.
Marcha en contra dos danos ambientais e a falta de vivenda para os residentes
Antes, pola tarde, 25.000 persoas nanifestábanse por terceiro ano consecutivo polas rúas de Palma de Mallorca contra a masificación turística da illa. Os manifestantes poñen o acento na saturación dos servizos públicos, os danos ambientais e a falta de vivenda para os residentes polos alugueiros para turistas.
"Queremos que haxa vivendas para os residentes, porque Mallorca é para os mallorquinos. Poden vir os turistas pero que respecten a nosa lingua e a nosa cultura", dicía un dos manifestantes.
"Que se vaian, que nos deixen tranquilos", aseguraba un dos participantes na marcha.
O ano pasado o arquipélago recibiu 19 millóns de turistas, e este ano esperan superar todas as previsións
