Aprehendenlles a furtivos na Coruña 90 quilos de polbo e dous de centolas

Nestas datas, refórzase o control do furtivismo. Nos últimos días a Policía Autonómica incautouse na Coruña de 90 quilos de polbo e de dous de centola.

Foi un dispositivo en colaboración cos vixilantes da confraría do Portiño tras observaren dúas persoas mergulladas fronte ao porto.

Atoparon os sacos coas capturas nas inmediacións de onde se atopaban. Tanto o polbo como as centolas foron entregadas á institución benéfica Pai Rubinos.