Cambiamos de peixe ás portas do outono
Unha degustación da confraría de Laxe en Carballo revela o noso menú de entretempo
Setembro é para moitos o mes da indecisión: uns seguen co verán no prato, e outros xa queren algo que quente. Cadaquén ten o seu favorito, sobre todo se falamos de peixe: polbo, peixe sapo ou xurelo, pero se hai algo no que todos coinciden é en que, se o produto é bo, o debate remata rápido.
Precisamente Carballo foi o lugar escollido pola confraría de Laxe para promocionar o peixe fresco co polbo e o peixe sapo como protatonistas.
Di o cociñeiro Miguel Mosteiro que o que se busca con esta inciativa é ensinar a facer diferentes elaboracións na casa, cun mesmo produto, e que vexan que é sinxelo.
Pero tamén son tamén os primeiros síntomas do outono, con pratos de culler, que xa apetecen. Unha forma sinxela de lembrar que o fresco e de proximidade sempre sabe mellor.
