A vaga de calor incrementa o risco de incendios forestais en Galicia
Toda a unidade de investigación de incendios está hoxe operativa e vixía os montes en tempo real con cámaras e drons
A declaración de seca prolongada mantense e a situación é "preocupante"
O mapa do risco de incendios forestais presenta a Galicia en amarelo e vermello hoxe. O motivo son as temperaturas extremas desta fin de semana que disparan a probabilidade de lumes.
O conselleiro de Medio Rural, José González asegura que todo o dispositivo antincendios está despregado no territorio e que ofrece unha maior vixilancia nos lugares onde a calor máis apreta.
Hoxe temos a todo o noso persoal despregado no territorio, precismente para facer esa investigación de incendios forestais pero é que ademais temos todos os medios tecnolóxicos a nosa disposición para facer esa vixilancia, aumentamos as cámaras e temos os dróns despregados. Non ten porque pasar nada, pero se algo pasara nós estamos preparados .
Nesta loita contra os lumes, o conselleiro apela a prudencia e a colaboración da cidadanía especialmente durante o verán.
Moita prudencia a cidadanía porque ás veces de xeito accidental pódese provocar un incendio por algún tipo de comportamento. Os montes non arden sós.
O conselleiro pide que se chame ao teléfono 900 815 085, ante calquera comportamento incendiario e ao 085 para dar aviso dun lume.
