Zverev gaña Roland Garros, e faise co seu primeiro título de Grand Slam
O alemán, número tres do mundo e gran favorito, precisou máis de catro horas e cinco sets contra Cobelli
Na súa cuarta final de Grand Slam conseguiu o primeiro título aos 29 anos
Foto: EFE
A priori semellaba que non ía ser unha final tan longa. Pero Zverev sufriu para levarse o seu primeiro título de Grand Slam. É o novo campión de Roland Garros.
O tenista alemán traballou duro ante o italiano Cobolli. Catro horas e cuarto precisou o número tres do mundo para facerse co partido e, polo tanto, co seu primeiro grande ós 29 anos e no seu cuarto intento. Foi cun resultado de 6-1, 4-6, 6-4, 6-7 e 6-1. Era o terceiro cabeza de serie, pero o italiano vendeu moi cara a súa pel.
Os dous rivais dérono todo na pista. Cobolli levouse o segundo set e no tie-break do cuarto forzou o quinto. Pero entón Zverev sacou o seu mellor tenis, mentres o italiano atravesaba por problemas físicos.
Co triunfo, o alemán saca a espiña das finais perdidas tamén en París hai dous anos, en 2020 nos Estados Unidos, e o ano pasado en Australia. Agora, si, pode dicir que é gañador dun grande.
