Jannik Sinner remonta contra Zverev e revalida o título en Wimbledon

Logo dun 2025 espectacular, con finais en todos os torneos de Grand Slam, Jannik Sinner volveu vencer nun grande. Fíxoo en Wimbledon, onde defendía título, e diante do alemán Zverev, que o puxo difícil mentres puido manter o seu saque implacable.

O primeiro set chegou ao tie break porque ningún dos xogadores cedeu o seu servizo. E aí foi mellor o gañador de Roland Garros. Zverev levou o tie break por 9-7.

O segundo parcial tivo o mesmo desenlace, cos dous xogadores servindo con mestría. Desta volta, Jannik Sinner fixo un desempate espectacular para igualar a final por 7 a 2.

O partido e o título íanse definir por detalles. E estes caeron do lado do italiano. Co 3-3, Zverev tivo unha bóla de break. Pero non puido aproveitala. E, xusto a seguir, co 4-3, Sinner si aproveitou a que tivo para desnivelar un set que resolveu por 6-3 sacando.

O cuarto set foi semellante. Outra vez co 3-3 no marcador, Sinner desaproveitou as dúas bólas de break das que dispuxo, pero refíxose para levar a terceira. So lle quedaba pechar a vitoria final por 6-4.

Jannik Sinner ergue o seu quinto torneo do Grand Slam, segundo consecutivo en Wimbledon. Ademais, tamén ten dous Abertos de Australia (2024 e 2025), e o Aberto dos Estados Unidos de 2024. Sitúase a dous grandes de Carlos Alcaraz, na gran carreira dos dous por ser o mellor do mundo.

Defence complete.

Jannik Sinner defeats Alexander Zverev 6-7(7), 7-6(2), 6-3, 6-4 to win his second Wimbledon trophy. #Wimbledon pic.twitter.com/TejFI5DdbW

— Wimbledon (@Wimbledon) July 12, 2026

Foto: EFE