Xornada de limpeza na contorna da casa do Alemán de Camelle

O "mundo fóra do mundo", que o Alemán de Camelle creou ao carón do mar durante catro décadas sofre as consecuencias do abandono, da erosión e dos temporais.

Para o Concello de Camariñas, o museo-xardín do anacoreta xermano é unha expresión de arte efémera, destinada a morrer consumida pola natureza, pero asociacións como A Pergoliña e Mar de Fábula defenden a súa conservación.

Ambos colectivos organizaron unha xornada de limpeza na contorna da casa de Man para dignificar o seu legado.