Morre un traballador de 65 anos en Mos ao precipitarse ao baleiro
Segundo fontes da Garda Civil, o home estaba no alto dunha escaleira de metro e medio e traballaba xunto a outro operario
Un home de 65 anos faleceu na tarde deste mércores na localidade pontevedresa de Mos mentres traballaba en altura nunha vivenda.
Segundo fontes da Garda Civil, o home estaba no alto dunha escaleira de metro e medio e traballaba xunto a outro operario na parroquia de Sanguiñeda.
De momento, e á espera da autopsia, descoñécese se o home faleceu antes de caer da escaleira por causas naturais ou se o fixo despois de precipitarse por mor dalgún golpe.
🔴#AXEGAInforma dun traballador falecido en Mos.
— 112 Galicia (@112Galicia) March 4, 2026
📍 Parroquia de Sanguiñeda.
▶️ A persoa caeu desde unha altura.
▶️ O #112Galicia recibiu o aviso arredor das 15:10 h.
🚨 Urxencias Sanitarias de Galicia-061, GES de Mos e @guardiacivil. pic.twitter.com/uUiFuSnHYx
O suceso produciuse pasadas as tres da tarde. Ata o lugar desprazáronse efectivos de Urxencias Sanitarias de Galicia-061, GES de Mos e a Garda Civil.
