Xa se poden pedir as axudas á dixitalización do comercio de proximidade

O comercio de proximidade xa pode pedir desde hoxe as novas axudas da Xunta para a dixitalización dos seus establecementos e servizos. O presuposto desta convocatoria ascende a tres millóns de euros.

As achegas poderán destinarse a financiar marketing dixital, servizos de loxística, posicionamento a través de páxinas web ou a xestión de redes sociais. Tamén a compra de equipamento, para o que as axudas poden elevarse ata os 5.600 euros.