A situación das granxas repercute nas vendas de maquinaria na Mostra de Muimenta

Volve con forza, ganas e moita participación a Mostra Exposición de Muimenta.

José Manuel Rus, coordinador da Moexmu: "No 2020 colleunos a pandemia a quince días de inaugurar. Tiñamos todo preparado e non poidemos facer nada polo que este ano había moitas ganas".

Aínda que desta volta o sector agrogandeiro que a protagoniza está a sufrir unha profunda crise derivaba dos altos custos de produción.

José Alberto Iglesia, SAT Rei de Miñotelo: "É moi triste ter que sacrificar vacas que son rendibles na explotación pero que tes que matalas para ter efectivo a fin de mes para pagar as facturas".

A mala situación das granxas repercute tamén nas vendas das empresas de maquinaria agrícola.

Esteban Fernández, comercial dunha empresa de maquinaria agrícola: "Intentamos traer as máquinas máis pioneiras para que a xente reduza os custes de produción mellorando a súa maquinaria".

Esta feira destaca tamén polos concursos de gando en que tamén se está a sentir a crise.

Enrique Muñíz, xuíz do concurso de gando: "O que sobe nos custos de produción non é proporcional coas subas do prezo do leite e isto nótase tamén nos concursos que teñen baixas".

Son os máis novos os que participan tentando sumarse a granxas familiares.

Lorena Rodríguez, da ganadería Melchora: "Hai que rapar o pelo e enlacar, pintar e dar brillo. A verdade é que non estamos a pasar un momento moi fácil pero hai que ir tirando como se pode".

Artesanía, alimentación e música completan esta feira que conta con máis de 25.000 metros cadrados de exposición.