Éxito na poxa nacional da Raza Rubia Galega de Adai, no Corgo
As xatas preñadas poxáronse a partir dos 3.000 euros
Celebrouse este sábado en Adai, no concello do Corgo, a 103 edición da Poxa Nacional de Raza Rubia Galega e a 38 edición do Concurso da Raza Rubia Galega, un evento no que participaron 128 animais, ademais dos nove que trouxo a Granxa Gayoso en exposición.
Para os gandeiros é unha cita importante, xa que é unha ocasión para ver e poder optar a comprar uns animais que contan cunha beleza e unha xenética privilexiada.
Ademais, cada edición nótase unha maior presenza de gandeiros procedentes de fóra de Galicia interesados en levar exemplares desta raza para as súas explotacións.
Na poxa, o prezo de saída dos becerros estivo nos 3.200 euros, e o das xatas de recría situouse nos 2.300 euros, pero todas saíron a partir dos 3.000 euros.
