Volve a Feira do Viño de Chantada tras a pandemia para presentar as dúas últimas colleitas

Non deixou de facerse viño en Chantada, pero durante máis dun ano non puido celebrarse a feira para degustalo. Agora, malia que houbo que atrasar a data habitual de marzo ata este comezo de xuño, 14 adegueiros poden xa presumir da colleita.

É coñecida a enorme dificultade que leva cultivar as vides nunha orografía tan escarpada. Unha paisaxe que lle confire carácter aos adegueiros e tamén ao viño que elaboran. En Chantada o mencía e o godello son a base de bos tintos e brancos, aínda que agora gaña terreo o rosado.

Non faltan os petiscos nunha feira que se prece e na de Chantada, unha das clásicas e máis veteranas no calendario, non podía ser menos. Dunha cata popular o sábado e da oficial o domingo sairán os mellores viños da tempada. A música acompañará durante toda a feira.