Cargando resultados...
Vilagarcía gastou menos auga na Festa de San Roque que calquera día de agosto
A empresa concesionaria do servizo cifra o consumo nuns mil metros cúbicos menos que calquera outro día
Unhas seis mil persoas celebraron o San Roque este ano que non cadrou na fin de semana
G24.gal
18/08/2022 12:22
Vilagarcía gastou menos auga na Festa de San Roque que calquera día do mes de agosto. Así o din os datos da empresa concesionaria do servizo da auga.
Gastáronse case mil metros cúbicos menos que un día normal, que están arredor dos dez mil, ou o que é o mesmo, dez millóns de litros.
A favor destes comedidos resultados foi o mal tempo do martes e que houbo menos xente ao cadrar en martes e ser só festivo local na vila. Malia todo, unhas 6.000 persoas acompañaron o santo no seu mollado percorrido.
