Vigo está no podio das cidades menos ruidosas de España, segundo un estudo dun operador turístico
Só Zaragoza e Cartaxena adiantan a cidade olívica, que é a segunda mais silenciosa das grandes urbes do país
Vigo é das cidades menos ruidosas de España. Iso é o que di un informe dun operador turístico que establece que só Zaragoza supera a cidade olívica entre as catorce grandes urbes do país. E só a supera Cartaxena entre as de menor tamaño.
Dío o operador turístico Altezza Travel, que fixo un estudo tendo en conta cinco parámetros: o tráfico, os turistas por quilómetro cadrado, a contaminación acústica, a densidade de poboación e as actividades nocturnas. Pola contra, Barcelona, Sevilla e Palma de Mallorca son as cidades máis ruidosas de España. O informe salienta o bo equilibrio que hai en Vigo entre vida urbana e tranquilidade, malia que moitos non estean de acordo.
Malia que Vigo apareza como cidade pouco ruidosa, queda traballo por facer. O último informe sobre contaminación acústica de Ecoloxistas en Acción reflectía que os niveis de ruído en Vigo duplicaban os recomendados pola Organización Mundial da Saúde.
