Os veciños de Vigo desvelados polo misterioso canto dun moucho de orellas

Os veciños da Travesía de Vigo levan semanas desvelados por un estraño ruído que lles interrompía o sono noite tras noite. Alertados polo incómodo asubío, moitos decidiron chamar á policía e mesmo abrir unha investigación municipal para dar co responsable.

O ruído, que parecía unha alarma ou o aviso dunha máquina avariada, espertaba á veciñanza cada noite, xerando inquietude e preocupación. 

A sorpresa foi descubrir que non era un ruído, senón o canto dun moucho de orellas, unha ave rapaz pouco habitual en Galicia e aínda menos frecuente no centro dunha cidade coma Vigo. O canto sitúase na Finca Matías, un pequeno pulmón verde entre a travesía de Vigo e a rúa Aragón. 

Desde o Concello recomendan pechar as ventás á hora de durmir se o canto do moucho resulta molesto, mais tamén lembran que ter un moucho de orellas como veciño é un privilexio que lembra a riqueza natural que pode albergar a cidade.