Veciños de Ourense din que a liorta multitudinaria desta fin de semana non é un feito puntal

Unha discusión entre dúas mozas ás portas dunha discoteca foi o desencadeante da violenta liorta que os veciños da rúa Doutor Fleming, en Ourense, viron esta fin de semana. 

Aseguran os veciños, que prefiren non saír ante a cámara, que a lea do sábado non é un un feito puntual nesta rúa onde hai dous locais de ocio nocturno.

Quéixanse de que os clientes destes locais non respectan nin as restricións nin os horarios.

Aseguran que a situación se agrava no verán e piden máis presenza policial na zona para controlar e evitar as pelexas.