Unha persoa morta no estouro de gas dunha vivenda en Badaxoz

O corpo sen vida dunha persoa foi encontrado polos bombeiros que realizaban labores de extinción no incendio provocado por unha explosión de gas nunha vivenda da barriada de San Fernando, en Badaxoz.

Outras 16 persoas quedaron feridas, todas de carácter leve, entre elas dous axentes de policía, dous bombeiros e veciños, a maioría afectados por crise de ansiedade, informou o Centro de Urxencias e Emerxencias 112 de Estremadura.

O estouro prouciuse arredor das 15:30 horas deste xoves, xusto cando os bombeiros ían forzar a porta da vivenda por un forte cheiro a gas que proviña do interior.

Efectivos policiais investigan as causas do sinistro.