Morre un home este domingo na praia da Lagosteira, en Fisterra

Segundo informa o 112, a vítima faleceu despois de ser rescatada da auga. Emerxencias tivo constancia do suceso arredor das 18:00 horas, cando un particular comunicou que unha persoa necesitaba atención médica na praia.

O Servizo de Urxencias Sanitarias de Galicia-061 mobilizou o helicóptero con base en Santiago, pero os sanitarios non puideron facer nada pola súa vida. Ata o lugar tamén foron mobilizados unha patrulla da Policía local e voluntarios de Protección Civil de Fisterra.