Unha parella de discapacitados vigueses leva 5 anos pedindo unha rampla

Unha parella de discapacitados de Vigo leva cinco anos pedindo unha rampla no barrio vigués da Doblada, concretamente na rúa Aguia. A falta dela obrígalles a circular coas súas cadeiras de rodas eléctricas polo medio e medio do vial co risco que iso supón para a súa integridade e para os condutores que adoitan reprendelos.

É así todos os días desde hai máis de cinco anos. Luis Felipe na súa desesperación chegou a abordar ao alcalde de Vigo, foi varias veces ao concello e representantes da policía local e técnicos municipais inspeccionaron a zona e tomaron fotos e notas pero a solución non dá chegado. Os últimos en pasar por alí dixéronlles que para facer a rampla tiñan que cambiar algúns sumidoiros.