Unha incidencia na vía atrasa ata dúas horas os trens entre Santiago e Pontevedra

Un problema de sinalización na bifurcación Angueira alterou o tráfico ferroviario entre Santiago e Pontevedra ao longo desta mañá. Algúns pasaxeiros estiveron ata dúas horas parados dentro do tren, ou agardando a que chegase na plataforma da estación.

Un dos convois a Vilagarcía foi cancelado e os pasaxeiros foron trasladados en autobús. Así e todo, moitos queixábanse de falta de información.

Adif aínda non comunicou a resolución da incidencia pero a última hora da mañá o tráfico ferroviario foi recuperando a normalidade.