Unha florista de Ribeira leva facendo palmas artesanais desde os 6 anos
Aprendéronlle en Elx, cando ía coa súa nai comprar as palmas
Xa hai tempo que as palmas do Domingo de Ramos pasaron de ser un sinxelo ramo da árbore de palma a auténticas xoias de artesanía. Sábeo ben Nerea España, unha florista de Ribeira de 24 anos que leva 18 perfeccionando esta arte. Nos meses previos á Semana Santa pode chegar a facer máis de mil.
Vai aos mercados de Noia, Rianxo, Boiro, Muros ou Santiago. En todos loce as pezas que trenzou e que vende para o domingo de ramos. Leva facendo palmas desde que tiña 6 anos cando súa nai a levou a Elxe a mercar as palmas. Asegura que "é un traballo moi laborioso, de moitas horas e que non todo o mundo o valora".
No seu caso de trenzar é case un acto mecánico. Di que lle sae só e que pensa seguir coa tradición polo menos como a súa nai, que ten 67 anos.
