Unha empresa de Chantada exporta viños galegos a 49 países do mundo
Comezou hai cincuenta anos e hoxe é a terceira xeración a que está ó fronte
Contan con adegas nas denominacións de orixe
Indica o xerente de ViniGalicia, Juan Luis Méndez, que "elaboramos nas cinco denominacións de orixe galega". Fan distintos viños cos que intentan representar a España no mundo.
"Queremos ser unha familia adegueira", conclúe.
Están presentes en 49 países e para teren futuro, asegura que teñen que "medrar aínda máis", pero tamén están nos supermercados porque elaboran "viños de distintos tipos para entender o mercado ao que imos".
Juan Luis Méndez manifesta que "facemos viños para xente que non é experta en viños, fáciles de beber". O obxectivo é "achegar os viños ao consumidor", polo que buscan viños "que representen ben a nosa terra".
