Unha eclipse lunar total deixa unha Lúa de sangue desde O Xapón ata América

Unha eclipse lunar total deixou este martes unha Lúa de sangue que será visible durante aproximadamente unha hora desde o leste de Asia ata América central e do norte.

En Tokyo, sobre a 20:00 hora local, a Lúa de sangue apenas era visible debido ás nubes que cubriron o ceo durante todo o día.

Ademais de no Xapón, o fenómeno pode observarse en Australia, en todo o Pacífico e en América central e do norte (onde é martes de madrugada), e nalgúns puntos do oeste de América do Sur.

En Asia central e a maior parte de América do Sur só se observará unha eclipse parcial, mentres que o fenómeno non será visible desde África nin desde Europa, detallou a NASA na súa páxina web.

Unha eclipse lunar prodúcese cando a Lua atravesa a sombra da Terra, bloqueando a luz do Sol que a ilumina. Cando é total, coma a de hoxe, o satélite non queda completamente escuro, senón que adquire un ton vermello, debido a que parte da luz solar é desviada pola atmosfera terrestre.

Todo o proceso pódese observar a primeira ollada e non require instrumentos especiais.