Unha corentena de aloidadores e aloitadoras xúntanse no curro de Carballo para a rapa
A diferenza doutras rapas, na de Friol ós animais pónselles o chip, sanéanse e córtanselles as crinas, pero non se marcan con nitróxeno para evitarlles maior estrés e dor
Hai una anos que os gandeiros da parroquia de Carballo, en Friol, subiron gando equino ao monte que teñen en man común. Foi a partir do 2008 que dicidiron facer unha rapa das bestas. Este ano celébrase a décimo sexta edición e en total baixaron do monte uns sesenta animais para metelos no curro, onde se lles cortan as crinas ás bestas e aos cabalos. Tamén se sanean e pónselles o chip obrigatorio aos animais que non o teñen.
A diferenza doutras rapas, nesta os animais non sufren a marcaxe con nitróxeno líquido "para evitarlles maior estrés e dor", segundo nos comentou Ángel Buján, o presidente da comunidade de montes de Carballo. "Para nosoutros os cabalos son amigos", engadiu.
No curro xuntáronse unha corentena de aloitadores e aloitadoras, parte deles de fóra do concello de Friol.
Despois de acabar a rapa, os animais vólvense para o monte, onde viven ceibos durante o resto do ano.
