Publicador de contidos
Publicador de contidos

Un veciño da Estrada quéixase de prexuízos polo abandono dun camiño municipal

Un veciño da Estrada quéixase de prexuízos polo abandono dun camiño municipal

Presentou varias queixas pola falta de mantemento e polos danos que lle ocasionaron as máquinas agrícolas de gran volume que por el transitan

O camiño obxecto das reclamacións en Prado, A Estrada, nunha imaxe deste martes
G24.gal 23/05/2023 13:51 Última actualización 23/05/2023 14:14

Un camiño de servizo a unhas leiras de Prado, no concello da Estrada, ten en xestión continua co Goberno municipal o veciño da vivenda situada no terreo lindeiro. Presentou varias queixas pola falta de mantemento e polos danos que lle ocasionaron as máquinas agrícolas de gran volume e peso que por el transitan.

"E na primeira instancia soliciteille ao Concello que adecuaran o camiño, porque son 30 toneladas de máquina por un camiño de terra, que realizaran unha drenaxe para evitar que toda a auga da chuvia acabara na miña casa. Fixen varias queixas e ingnoráronme. E o ano pasada rebentáronme a única liña de auga potable que chega á casa, rebentaron os tubos de acceso e rebentaron varios postes do cerramento do meu terreo", di Pascual Del Río Fuentes.

E engade que elevou a queixa á Valedora do Pobo en vista do paso do tempo e a ausencia de resposta do Goberno municipal da Estrada ás súas solicitudes:

"E reclameille os danos; os postes, os tubos da entrada e a liña de auga. Como tampouco contestaron, púxeno en coñecemento da Valedora do Pobo que considerou oportuna a miña reclamación. O prazo do segundo requirimento acabou a semana pasada e... ata o día de hoxe, o Concello aféitase para riba".

Este veciño de Prado, A Estrada, di que leva dous anos de reclamacións por escrito dirixidas ao Concello tras outro tanto de solicitudes verbais obtendo a mesma resposta do concelleiro responsable.

"Estou moi saturado, dáme uns días".

E eses días Pascual xa os conta por anos coa súa demanda sen atender.

Publicidade
Publicidade
Publicidade
Publicidade